Toza zakhm

Toza zakhm

Nazir Ahmad Bulbul

Yem ghami ṣ̌eγ̌d woz yem zakhmi be toza toza
Dil-e-noyex̌kri yem dard be zaq nodida
Sʉzi yem sof zi digar, tem ẓ̌hʉ jigari ce pidhing
Dardi yem sof zi jidha, x‘etki zxhu ruhay choghda
Ṣ̌eγ̌di shekhsetk qayomat ska ẓ̌hʉ obod jahon
Wakhtep zaq reṣ̌t maẓ̌er yem ti rʉmʉṣ̌ner jonon

Wʉchi ya chukht x̌aker, bengi ce ẓ̌hʉ ishqay makon
Gardi be ghal nay niyeng, motamet shurisht arzon
Vitkev purdest cumer hasratisht,x̌akri malʉm
khokev armonisht ce vitk, yaavi be x̌aker pusron
Komri fʉrsat ki yi loy nezdem, ẓ̌ʉmʉrem x̌ʉ ziyon
Wakhtep zaq reṣ̌t maẓ̌er yem ti rʉmʉṣ̌ner jonon

Yem ti armon, ti hasrat, ti tamano, ti niṣ̌ʉn
Jayi dʉrkor yavay goor x̌aker dem x̌ʉ dʉrʉn
Yodisht tin γ̌ʉrtner, yashtev per jahon, dem ẓ̌ʉ wʉjʉd
X̌akri gʉldasta yaven, qabri zuvuvner x̌ʉn
γ̌afchi γ̌al yark ay Bʉlbʉl , ki wereṣ̌t tor ti jon
Wakhtep zaq reṣ̌t maẓ̌er yem ti rʉmʉṣ̌ner jonon

About author

admin

gulmitwala@gmail.com