Iloqayi Zikve Dǝ Nisobe Šomil X̌ake Bobat Maraka

Iloqayi Zikve Dǝ Nisobe Šomil X̌ake Bobat Maraka

Hʉkmate Geelt Baltistone iloqoyi zikve taraqi rǝδowe talwisahe desti yez wuδg yem iloqahe Panʒved zǝbon, Ṣ̌ena, Balti, Khowar, Brušaski woz Waxi zike qoyda tarteeb rǝδowe yarki jori. Magam yem zikve rasmulxat ne wocne sababni xeli sargǝrdoniɣ̌ be pydo vitk. Hadem batkev sarokori sataher ro sǝk Ṣ̌ena zike qoyda yark x̌ake bas wezg. Yave yi qoyda be tarteeb δetk woz Mahkmaye Taleem Geelt Baltistone yowe manʒuri be δetk. Degar zikve rasmulxati ɣal sarkori tǝwrer oxir ne vitk.

X̌ikwor zik meṣ̌i be hayem masla ki yeme rasmulxate manʒuri cǝ sarkoren ɣal ne vitk, čizer ki skem ziki dǝ Roman andoze qǝlambandi yark vitk woz wosteṣ̌. Magam sarkore hʉkme mutobiq woz Geelt Baltiston Qonun Soz Assemblye qǝrordode mutobiq panʒu zike rasmulxatep dǝ Arabi andoz woz. Roman yoy digar andozi yaver qobile qǝbul nast.

Ya rwori dǝ Nisab Committee Head, Zafar Waqar Taj, daftar hayeme bobat yi maraka vite. Ce waxtev ki X̌ikwor zike qǝlamkoriye tarteebe bobat qǝsa vite committeeye lupe yem šilda kert ki andoze qǝlamkoriyep dǝ Arabi rasmulxat wost. Yowe sǝk Šena, Brušaski woz X̌ikwor zike numoyindave zur dix̌t ki yašt dǝlǝmanen nezden x̌e truveδu zike hat hi muštarika rasmulxat woz andoze qǝlamkori tajwiz caren.

Hadem committeeyi X̌ikwor zike numoyindagi ne wocne brobar. Ahmad Jomi Saxi sohibe damven ʒaq waxte batk yark kert, magam yo we x̌ʉ jayer Al Waiz Nasir Karim, Karim Xon Saka, woz Aejaz Karime nung δetk.

 

About author

admin

gulmitwala@gmail.com