Spo Yinot

Spo yinoti, X̌ikwor zike jon yarzet yimʉk jǝnaw dem yarqane dawre tafiɣ̌et sʉriɣ̌en biparwo hamiš sarsavz wereṣ̌t. Yem spo xužg zik pǝr dʉnyowe lup zikve pʉδ me naṣ̌t, woz hamiš tariq cart. Yeme tǝr pʉrʉt yundake dǝstan sakri lozim ki skem yark caren. Yeme pǝtǝrẓ̌oδ xʉšruy lavzve bajo caren. Yeme ilmet, aqlen č̣ak matalveʉ yeme xʉšruy žindagve, woz yeme xuẓ̌g šoiriye yi jay jǝma caren x̌e dǝ ṣ̌eɣ̌d nasl yemve ɣ̌atven. Remve pʉzʉv yem sʉmbahe kaṭen ki ceng soxteṣ̌ ki Pirtowʉse xʉšrʉy phur yowe niṣ̌ woz zeeb wost haʒengeṣ̌ insone saqofat woz zik yowe niṣ̌un wost. Bi niṣ̌un insoni ne wocne bǝrobar.

Sakri ʉmid ki hadem yarken ki makam vite, hawliyep spo yinot rost wost, woz sakep da x̌ʉ maqsad komiyob wocen. Sak x̌ʉ zik nivišn dišen, yemen ki dišta heč soxtep yem ne naṣ̌t.