Afɣonistone X̌ikwor Nisobe Talim

Dǝ Pokistoneṣ̌ sak X̌ikišt ɣal sǝk Rasmulxat limane vorz ne ɣ̌eten, ammo tǝr Afɣonistonev X̌ikwor qoydaen be tǝr pʉrʉt yark tǝr yand nix̌itk. Dremi wuδge batk Panʒ qisme Rasmulxate Qoydavev nivšetk magam yiwi be yarken nas. Dǝ Afɣonev maktabve joyuvne hatev X̌ikwor kitobve be tiyor x̌etk woz joyuvne nisobi be dan qiti. Ham ʉstoδver woz ham šogerdve hatev kitobišt tiyor, woz dǝ Woxone maktabveṣ̌ ibtidoyi awalung sol woz buyung sole jǝmote joyuvni be oɣoz vitk. Yem kitobve hatev yave Dari/Paštu Rasmulxatev istimoler wuzmetk. Yave nivšetk kitobištev ayem zel:

  1. X̌ikwor Lup Kitob: Bu wiste qirib kitobišt woz har yi kitobi sǝk har yi harf tiqya cart.
  2. X̌ikwor Hurufe Tehji: Dem kitobi X̌ikwor harfišt.
  3. X̌ikwor Bunyoδi Qoyda
  4. Ibtidoyi Maktabe Kitob (Awalung Sole hat)
  5. Ibtidoyi Maktab Sarmukuli Kitob
  6. Ibtidoyi Maktabe Kitob (Buyung Sole hat)
  7. X̌ikwor Beṣ̌ Harfve Kitob

Har kitobi ɣa serk cǝ meren woz oson tariqnev zave juyuvne hat nivšetk.

Yem yarkeṣ̌ tayinen x̌e sakreṣ̌ be zururat masus wost ki sak be cǝ X̌ikwor numkor qoydaen tǝr pʉrʉt qadam din woz dǝ xʉ maktabve yem zik royij x̌ak haten yark caren.

Leave a Reply

Your email address will not be published. Required fields are marked *