Yezi dǝ Geelt, Wakhi Tajik Cultural Association (WTCA), yi marka vite. Hademev cǝ Čipursa, Šingšalen rex̌k Ṣ̌iqamale X̌ikve širkat kert. Yem marakae sǝdorat, WTCA sadr oqoye Sarwar Xone kert. Hademev sǝk Cʉbʉr nukta serk cǝ meren qǝsa kert:

  • Sadr oqoye Šokat Ali istifa.
  • Moliyoti audiṭ reporṭ.
  • Idorae qonuni heysiyat woz oyeen.
  • Idorae kobina radu badal.

Sakatare Moliyot, oqoye Meherbon Ali audiṭ reporṭ peš kert, can cǝbas Sakatare Ola, Ofiyat Nazare dǝ idorae oyin tabdiliye qǝsa kert. Hʉkmate ṣ̌eɣ̌d qonune wajani idorae cǝ saren registration yoy indroj x̌ake zururati. Hadem yem qǝsa be vite ki kum qonune dest WTCA ṣ̌eɣ̌d indroj caren.

Can cǝbas dǝ kobina radu badal x̌ake bobat qǝsa vite čizer ki sadre, Sakatare Ola, woz Sakatare Moliyot istifa peš kert. Qonune mutobi woz kobinae meṣ̌ dra mowjud xalgve mašwaranev dǝ kobina ṣ̌eɣ̌ xalgve hǝyem zel šomil kert:

  1. Sadr, Oqoye Sarwar Xon- Ṣ̌iqaman
  2. Noyib Sadr, Oqoye Fazal Amin Beg- Gulmit
  3. Sakatare Ola, Oqoye Masood A Xalil- Gulmit
  4. Sakatar šǝrik, Oqoye Nisar Karim- Гulkin
  5. Sakatare Moliyot, Oqoye Abuzar Ali-Gulmit

Can bišxaev bu Kameṭ be taškil δet kumdištep ki sǝk idoraye oyeen/hukmat meṣ̌ indroj woz idorae hat dǝ Geelt yi daftarer jay gutake yark caren.

Maraka hadem ʉmid meṣ̌ tǝryand niyeṣ̌te ki ṣ̌eɣ̌d kobinaep idorae taraqi hat yark cart woz yeme mazbut x̌akti ki čiz lǝwozimotišt tey yave hatep kušiš cart.

1 Comment

  1. Congratulation to the New Management Team, Especially Congratz to advisory Board.

Leave a Reply

Your email address will not be published. Required fields are marked *