WTCA buyʉng nišast Geelt ṣ̌ar halak kʉzg nǝwjǝwonve meṣ̌en vite. Hadem nišastev WATCA zimidorve idora tǝr pʉrʉt yarkve bobabat dǝ jǝwonven qǝsa kert, woz yave xǝyolev malʉm kert. Jǝwonve, kumdveṣ̌ ki diyor diyore zǝzest idorave numoyandgiveṣ̌ kert, WTCA ṣ̌eɣ̌d qǝdame sǝtoweṣ̌iɣ̌ev kert woz dǝ idoraen qiti tuk x̌e X̌ik sǝqofate tǝr pʉrʉt yundake hat har yarkev x̌ʉ xizmat piš kert.

Hǝdem nišastev sǝk idorae daftar woz Baylaws ki čiz yark vitk, yave bobat be qǝsa vite. Can bišxa yem feslaev be kert ki dǝ Geelt, Farwariye mʉy X̌ik sǝqofate yi lup rǝsm Kitδitrep yi marka zav ven woz idorae moli holot baf x̌ake hatep ce muxayat xalgven madad be tǝlab caren. Nwrʉze olame muqaer pǝ Ṣ̌iqamanep yi mušoira woz mosiqiye programe bobatev be fesla kert.

Cemven bišxaev idora membershipe bobat be qǝsa vite, woz yem feslaev kert ki dǝ lu lup ṣ̌arve yark x̌ak kuzg X̌ikve idoravǝrep dem membership randen. Dan qiti qitiep jon sar membarship hat be yark caren.

Leave a Reply

Your email address will not be published. Required fields are marked *