Gulmit, Kʉnjʉδ: Bulbulik Haritage Center kumdi ki the Gulmit Educational & Social Welfare Soceity ye X̌ik mosiqi woz sǝqofati wirosate tahafuz wo taraqi tey USIP ye madadeneṣ̌ yi ṣ̌eɣ̌d tilwisae oɣozi x̌etk. Hadem šaδ mʉye tilwisaep qiribi diyorve sarkori woz awomi sataher qoyum x̌etk sikulvep mosiqiye hunare tarbiyat randen woz dan qiti qitipen bayd guyie hunarep be jǝwonve yex̌k caren.

Cem buyen bišxaep X̌ikwor žindagvep yi kitobe suraten tǝr pʉrʉt wʉzmen. Sǝk X̌ikwor sǝqofat taqiqi yarke riwoj rǝδowe hatep jǝwonve tarbiyat woz dastgiriyi be dem tilwisa šomil.  

Yem tilwisae maqsadi ki kumer X̌ikwor mosiqi woz šoiriye tarwid hǝdari jǝwonve dest mʉšetkʉng haya hʉnarve tǝr pʉrʉt wʉzʉmn, woz yaver mʉšxʉliɣ̌e yi baf muqa be rǝδor tey. 

Bʉlbʉlike yarke sǝfar dǝ aksve tayin x̌ake haten dem dest disvetk haya fǝdek dʉrzit.

BɄLBɄLIK AKSIŠT

Leave a Reply

Your email address will not be published. Required fields are marked *