Gulmit Kʉjnʉδ: Gulmite yurte wuδg Pokistone cǝ khux̌ten bʉland woz droz poygaye yark tǝr yand nix̌it. Skem tilwisaev yark Decembere 10 torix wudretu woz Yi mʉyet Δas rore mulungev yem mukamal kert. Hǝdem poygayi Yi Hǝzoret Šaδ Sad qǝloč woz yemeṣ̌ cǝ Ondrae benen oɣoz wost x̌e da tʉreṣ̌ niwizd, kumri ki Ondrae qidimʉ woz torixi qilha tey.

Yʉrt, lup to Ʒaq, x̌ʉynan to mirdinaye panƷ toqʉše pǝr yašč pityax̌k wocne hǝda sʉriɣ̌rev tan ne yit x̌e yem yarkev tǝr yand nix̌it. Neyev zemer yan x̌at ne dǝmaer x̌e yem tilwisaev tǝr yand nix̌it.

Yem tilwisaye xalgve tǝr lǝmane qirib gox̌t woz lǝmanen xʉši, dusti woz δast yori rǝδowe yi fǝdek be niyeṣ̌te. COVID 19 nen pʉzʉv kʉfetk xalgviri yarke yi pʉzʉv heṭ muqa δet.

Kuy ki dem yark joni hisa dori bas ne wezde yave pʉle surat, x̌ʉ mole surat, x̌ʉ ilmet waxte sʉraten hǝdem tilwisa hisa doriev kert wozev yem komyob gox̌t.

Xʉy nanve x̌ʉ xune yark puṭ kert x̌e yark x̌ak kʉzg tat vʉrʉt woz zǝmanvrev yit pite bandubast kert, zax̌et čirir risiδe yarkev kert. Zave yupk pǝvʉvne zimidori ɣa xʉšruyiɣ̌ meṣ̌ tǝr yand nix̌it.

Har yiwe dem hisadori kert x̌e yi ṣ̌eɣ̌d misolev qoyum kert. Skaev x̌ǝnetk:

Čanḍ čanḍek ska dildung
Teṣ̌ niyʉδni čiz nung
Δʉtre dʉrz x̌e xam ra ṭung

Ondra Poyga Yark tǝr yand nix̌ingen cǝbas mirdina yark cerve aks- Fayeem Avzal
Ondra Poyga Yark tǝr yand nix̌ingen cǝbas x̌ʉynan yark cerve aks- Fayeem Avzal

Yemve bobat mazid malumate hat tayin carit:

https://ondrapoygah.com/

https://www.facebook.com/ondrapoygah

Leave a Reply

Your email address will not be published. Required fields are marked *