Tehrir: Noor Momad Pomiri X̌ikwor Tǝrjuma: Aejaz Karim

Sarbʉland Ali Šo Woxone oxiri Mir, Mir Madron Ali Šo we vʉrʉt tu. Dr. Hermen eṣ̌ dǝ x̌ʉ kiotob, “Wakhan Quadrangle” nivišt ki Mirbiča Sarbʉland Ali Šo de Gulmit diyor jantǝri hisoben 1855 čʉvetu. Dǝ yod wereṣ̌t ki hǝda waxt Kʉnjʉδ woz Woxone mulung ɣa qiribi toluq dori tu. Ce 1839 wezg 1875 batken sǝk Woxon hʉkmat x̌ak kʉzg Mir Fatah Ali Šo wen yi δeɣ̌de tuy Kʉnjʉδe Mir Гazan Xon awal woz yi δeɣ̌den dǝ Mir Safdar Xon meṣ̌ vitu. Aska haten Woxone mirven Kʉnjʉδ wuzayn woz drem yaven owlod wocne qǝsayišev cǝ rostiɣ̌en δir nast.

Dǝ sol 1883 Woxone wuzaken cǝbas Sarbʉland Ali Šo renne x̌e Siriqol niyeṣ̌te. Δas soli kumer kice šexsovd x̌e dǝ sol 1894 dǝ Dafdor nung jayi X̌ikve tǝr lǝman gox̌t woz yi X̌ikven yi ṣ̌eɣ̌d obodiye bʉnyoδ lǝcerniri yi lup kirdor ado kert.

Mirbiča Sarbʉland Ali Šo dǝ sol 1903 dǝ Uruse dest hda Woxone Zong nung diyor ɣ̌ate. Hǝdrae X̌ikve yowev x̌ʉ mir deẓ̌d Dǝ sol 1921 yow can Woxone poyaye taxt “Qǝlae Panj” reɣ̌de woz x̌ʉ xondone zǝmini tǝr δast kert. Can Δas sole cǝbas dǝ sol 1931 yowe amonat kert. Rem dest yem aksi Qilae Panj, yoy Qilae Panjaen kumd ki Woxone cǝ khʉx̌ten mazbʉt qila tu.

Leave a Reply

Your email address will not be published. Required fields are marked *