Kaneḍa, Canada, lup ilči (High Commisioner) Wendy Gilmour yezi dǝ Gulmit Kitδite rasme tǝmošowe muqaer lup mehmon tu. Kitδite tǝmošo dǝ Gulmite šowaran, Junali, šexste. Hǝyem muqaer rang range sǝqofati bǝrnomaev piš kert. Lup ilči ye dǝ x̌ʉ qǝsa iloqae xʉšruyiɣ̌, sǝqofat woz xalgve mehmon doriye ɣa sǝtoweṣ̌iɣ̌i kert. Woz skamvi zur dix̌i ki dǝ iloqa siyhate tǝr pʉrʉt yundake haten kur tǝr mur ney balki yi ɣa ɣowr woz fikre meṣ̌ yark x̌aki dʉrkor. Siyohate hati hǝʒeng tiyori woz tilwisave x̌ak dʉrkor ki yowe asar sǝk qʉdrati mahol woz iloqae xʉšrʉyiɣ̌ kamen kam wost.

Yi ror tirmis Wendy Gilour dǝ x̌ʉ yor barven Ondra Poyga seyl be kert woz ska ʒiɣ̌ dǝ Gulmite Qǝlha be sate. Ca qǝlhaen yowe ird girde xʉšruy jayvi tayin x̌e ɣa xʉš vite. Can bišxayi Gulmite yurte yarki ɣafč sǝtowd, kumdve ki x̌ʉ madad x̌aten ya tilwisa tǝr yand nix̌itu.    

Yeme Bobat PamirTimes Aksbandi Derem Tayinit

Leave a Reply

Your email address will not be published. Required fields are marked *