Rasmulxat

Dʉnyowe Cǝbʉr Mulk obod taqriban Cǝbʉrwist Hǝzor X̌ikišteṣ̌ nivišne hat hub muxtalif rasmulxat istimol caren. Sake yem x̌ʉ yarke dǝstan, bu mašʉr zǝbon don kumdve ki sǝk X̌ikwor zik serk cǝ meren yark x̌etk woz bu kitobev be nivšetk, Stablin Kemenesky woz yowe hamkor Guren Berge tǝrteeb δetk rasmulxate intixob x̌etk. Yem rasmulxate bʉnyoδi sǝk Latino-Greeke andoz. Yem andozeṣ̌ yez wuδge taqiq kor woz zǝbon doništ x̌ʉ yarker istimol caren.

Ce soxtem ki dǝ awalen nivšetk ki X̌ikištev dǝ dʉnyowe cǝbʉr mʉlk obod woz har mʉlke X̌ikišteṣ̌ X̌ikwor nivišne hat ya x̌ʉ mʉlke royij rasmulxate istimol caren. Tojikistoneṣ̌ Sirilik, Afɣonistoneṣ̌ Dari, Čeeneṣ̌ Eɣʉrči woz Pokistoneṣ̌ sǝk Arabi andozev nivišne hat yarker wuzmetk. Cen bišxa zǝbon donve Latino-Greek woz yez wuδgeṣ̌ Anglisize andozen be yem zik qǝlamband wost. Yeme wajayi ki X̌ikworeṣ̌ Hʉb muxtalif rasmulxater nivšen.    

shares