Gulmit: Eide Qʉrbone rǝwor, dǝ Gulmit Bʉlbʉlik Markaze Miros wo Sǝqofat (Bulbulik Heritage Center) te ṣ̌eɣ̌d malae iftitah AC Gojal, Maryam Sanjrani ye kert. Yem markaz cǝ wuδgen Hʉb sol tǝrmis USAID ye imdoden dǝ Gulmit sǝk X̌ik mosiqi woz adab yarke hat qoyum vitu. Yem markaze hǝdem batk saden sǝk sar mirdina woz ojiz zǝmanve dǝ sitor, rabob, ɣažek, surnay, gabi, tambuk woz ḍǝḍang ḍamal ẓ̌ǝxak tarbiyat δetk woz can bišxa sǝk X̌ikwor adab, dǝ kumdi ki qidimu baydišt, žindag, matal woz riwoyat guyi šomil teya yarki x̌etk.
Hǝdem ṣ̌eɣ̌d malaep X̌ikwor mosiqiyen qiti qiti sǝk X̌ikwor zik woz sǝqofat yark wost woz dǝ dʉnyo sǝk X̌ikwor ziki ki cumer be taqiqišt vitk yavep yi jay be jama caren.
Yezu barnomae aksbandi drem tayinit.