X̌ikwor Kitobišt
Dǝ Pokistoni sǝk X̌ikwor zik ɣa kam yark vitk, ye ki x̌anen ki dremi yark ne wocne brobar, ɣalatep ne wost. Yeme yi wajayi dǝ Pokistone jomiave sǝk muqomi zikve yarke kulya ne wocen. Skaeṣ̌ kuy skem zik ne yark cart ne tramve dileṣ̌ skem yark x̌ake xǝyol ɣ̌ird. Ammo, xalgve yem kami masus x̌etk x̌e yem zike nivišne kušišev x̌etk. Dremep sak sǝk hǝʒeng kušišve voin kǝṭen. Dǝ Pokiston, wuč Kʉnjʉδev ki cumer kitobi yark x̌etk yaštev hǝyem zel.
Sǝk X̌ikwor zǝbon woz rasm wo riwojev dǝ Pokistone Gojal Ismoilia Sṭuḍenṭ Unione dǝ sol 1980 dǝ x̌ʉ yi mujjala awalung gudor Ahmad Jomi Saxi sohibe yark šomil x̌etu. Dǝ Forsi rasmulxat, Jomi sohibe sǝk X̌ikwor lavzv woz inšo pardozi (usule zǝbon) xeli serk cǝ meren yark x̌etu. Dem mujjalaev awalung gudor, X̌ikve rasm wo riwoj, žindag wo bu bayd be nivšetu.
Master Haqiqat Ali, 1985
X̌ik Wor Zik 1
Sǝk X̌ikwor zik, dǝ X̌ikwor awalʉng yark Passu diyoren yi sohibe ilm, Master Haqiqat Ali yem kitob, X̌ikwor Zik-1 dǝ sol 1985 nevešt. Yowe yem kušiš yi qoyda kitobe suraten tu. Dem biyomorze Latino-Greek rasmulxater X̌ikwor A B yoy hurufe tehji tiyor kert. Yem awalʉny yarkeṣ̌ dǝ Gojal sǝk X̌ikwor zik vitk yarker yi bʉnyoδe hesiyat lecert.
Biyoze BʉlBʉl
Nazir Ahmad Bʉlbʉl, 2012
X̌ik nung niyeṣ̌k šoir, Nazir Ahmad Bʉlbʉle kǝlomve yem kitob dǝ sol 2012 Pamir Media Groupe kušišen tǝr pʉrʉt wezde. Yem kitob X̌ikwor šoiriye awalʉng kitob tu.
Piwand
Bʉlbʉlik Maktabe Mosiqi, Gulmit, 2017
X̌ikwor Žindagišt
Nazir Ahmad Bʉlbʉl, 2019
