Yi Muyi Safeede Knaw

Zikeṣ̌ ceng naṣ̌t?

  • Da heṣ̌eṣ̌ ki ne wocen.
  • Sǝk xalge zikeṣ̌ ki šǝloyin wocen.

Sak ceng da heṣ̌ wocen?

Bas ki wezit, dǝ x̌ʉ buzurgve ben ʒaq nezdit; camven qideeme qǝsave persit; camven žindagve kʉṣ̌ʉyit; camven ba baf kǝnawve dʉrzit.

Bas ki wezit, dǝ x̌ʉ yorbaren dǝ X̌ikwor gap diyit; x̌ʉ baf xiylve damve x̌ʉ ziker ɣ̌atuvit woz camven yave xiyol x̌ʉ ziker pʉčzit. Yowe nivṣ̌it, qǝlamband carit.

Bas ki wezit, dǝ x̌ʉ zǝmanven xuẓ̌giɣ̌ dǝ x̌ʉ zik carit; yave Honney bogen ye ẓ̌ʉ xuẓ̌g x̌anit x̌e qʉwit; yave Mama yow Papa en tǝrmis Nanet Tat x̌ǝnak yex̌k carit; Yaver Twinkal Twinkal Littel Star kǝṣ̌ʉyuvne bog Ox̌o Lay, Ye Ẓ̌ʉ Tatay kǝṣ̌ʉyvit; yave Run Run Run bogen Tota gox̌it; damve pup mume soya yav lecrit woz camve ɣ̌unen yave δir me gox̌it- čizer ki dǝ pup mume ECD yeṣ̌ yašt x̌ate dišen woz sǝk x̌ʉ ziket šinoxteṣ̌ šǝloyin wocen, tra sikule ECD yeṣ̌ yašt digarve dišen woz skamve zikeṣ̌ šǝloyin wocen.

Aejaz Karim-Gulmit

Leave a Reply

Your email address will not be published. Required fields are marked *

shares