X̌ik mʉrdʉme diyot rasmi pǝ diquniɣ̌ woz šʉpʉniɣ̌ pǝdras. Č̣inire rasmeṣ̌ Yurke fasl zart ɣirnen qiti šexsuven. Dǝ Jǝmot Xonaeṣ̌ soate ilon wost woz sahar saharep har yiw yoy dǝlimanen qiti yoy dǝ x̌ʉ xondonen tra yurke wundr, sipander woz ruxen tǝbaq mesǝ̣ niwzen. Tra wundrep Xilifa duwo čald x̌e bʉzʉrve meṣ̌ awal ya zart ɣ̌iretkiɣ̌e petx̌en canep ya sarve čarv caren. Can cǝbasep pʉtʉk yave din, pʉtʉk dinen cǝbasep har yi buzurg yi kafer yurk drawen. Žarž tǝbaq pǝ ɣ̌aṣ̌ dinen cǝbas ya yurkep wuz dǝ yus meṣ̌ ska ruxen tubaqe qiča yoδen x̌e pǝ xunep yunden. Taep ya yurke sar pǝ ɣ̌ef ta chil perlʉlven, pokizaep ya pǝrseletk δeng caren. Canep xalgver žarž, mirik wo pay xamven, raep ca δengen kaṭen woz har yiwep liman δast pʉčzen x̌e ya tǝomep sǝk zik yoδen. Can cǝbasep woz har yi xunen ba baf tǝom, ceng soxt ki žarž, pay, mirik, šʉlbʉl tiyor caren x̌e Jǝmot Xona barep jama wocen woz draep Xilifa dʉwo cart x̌e x̌ečep sǝk zik youδen. Ya majlis trǝ yand niwiznen cǝbasep har yiw dǝ yusmeṣ̌ x̌ʉ xun ɣ̌ǝna ruwun wocen.
Yeme bobat Čipursanen spo vʉrʉt Munire yi aks bandi tayinit.
