Wakhi.Org

Wakhi Tajik Cultural Association Pakistan (WTCA) yeze dǝ Gulmit, Kʉnjʉδ yi mehfile mušaira zavovd. Yem mehfil x̌ʉ itiboren yǝgona yem zel tu ki yeme dǝ sar zamine Kʉnjʉδ Ismoili mazhabe bo qoida oɣoze munosibaten tu. Riwoyate mutobiq dǝ sol 1824 haya waxte Mir Šoh Silum Xon (Shah Saleem Khan) ne dǝ Gulmit wux̌en wuezg Dayi (Dawat woz tabliɣe zimidor) Sayed Šoh Hussain Ardabeel δasti Ismoili mazhabe perow wocne qadami kǝṭetu. Dame zindagi albata yo yem ilone bas ne wezde. Rowoyat mutobiq ce waxt ki Mire Dayi er x̌at ki dremi kuy Ismoilia nast, kiyem merte ẓ̌ʉ oxiri rasmep cereng soxt woz kuy šexsʉvd. Dayi yower x̌at ki wuzep ti tex̌ niwizne rǝwor dǝ to ɣ̌atem. Woz haya vite, ya awalʉng čǝroɣ rošane rasm yan dǝ Gulmit, dǝ Xalifa Aliyore xun šexste. Hayem mušoira hada Xalifa Aliyore xun 200 sad sola yode nung tu. Dǝ mušoiraev šoirve xʉ mazhabi kǝlom peš kert wozev Čaroɣ Rawšane zikrev be šexsovd.