Eid-e-Гadeer (عید غدیر), Šiya Islome aqidae mutobit, Pok Peɣambar ki ce waxt x̌ʉ oxiri hajen pǝšete, Xʉδowande ɣ̌ǝna skam Wahi xamde. Ya wahi yem rang tu,
یٰۤاَیُّهَا الرَّسُوْلُ بَلِّغْ مَاۤ اُنْزِلَ اِلَیْكَ مِنْ رَّبِّكَؕ- وَ اِنْ لَّمْ تَفْعَلْ فَمَا بَلَّغْتَ رِسَالَتَهٗؕ-وَ اللّٰهُ یَعْصِمُكَ مِنَ النَّاسِ۔
“Ay Peɣambar, ɣ̌atuv dǝ xalgve hǝya peyɣom kumdi ki ti parwardigore ɣ̌ǝna sǝk tow xǝmetk. Ammo, towe ki ʒeng ne gox̌t, towe Xʉδowande peyɣome hǝya zel dǝ xalgve ɣ̌ǝtvetk hi ney. Woz Xʉδowandep towe cǝ xalven mafuz lecert.”
Cem wahiyen cǝbas, dǝ Xum nung jaye muqom Peɣambare kul musulmonve potromd. Ʉṣ̌ture pʉndandvi sǝk limane sar dix̌t x̌e bulndiɣ̌i tiyor, woz Imom Ali ye δasti wodort, bulandi gox̌t x̌e eloni kert,
مَنْ کُنْتُ مَوْلاهُ، فَهذا عَلِىٌّ مَوْلاهُ
“Wuzem ki kuye Mawlo tey, Ali yi bǝ yowe Mawlo.”
Cem elonen cǝbas Xʉδowande ɣ̌ǝna Deene Islome Takmile wahi xamde woz Xʉδoye Pok Peyɣambare yarker x̌ʉ xuṣ̌iɣ̌e izhor kert.
Yem rǝworeṣ̌ Ṣ̌iya Islom Lup Eide yoy Eide Sayeede nungen šexsuven, čizer ki hǝdem rǝwori Peyɣambariye silsila tǝr yand niyeṣ̌k woz Imomate ošikor silsilaye oɣoz vitk.
این رشتہ امامت، ثبت است تا قیامت
بحر نجات امت، صلوٰت بر محّمدؐ
Yem Rǝwore bobat spo Aqeeda bobat joyne hat tayin carit THE.ISMAILI
